මෞර්ය වංශිකයෙකු වූ මහානාග රුහුණු පුරවරයේ අධිපතියෙකු වූ බැව් සදහන්ය සීලාකාල රජු දවස සිටම ලක් රජය අයත් කර ගැනීමේ උපායන් පිළිබඳව කල්පනා කරමින් සිටි ඔහු එයට අවස්ථාවක් බලමින් කල් යැවීය
සීලාකාල රජ සමයේදී කැරළිකරුවෙකු වශයෙන් පෙරළි කළ මොහු පසුව රාජ්ය සේවයට බැදී රුහුණට වී සිටියේය රුහුණු ප්රදේශය භාරව සිටියදී රජුට අවනතව කටයුතු කළේය එහෙත් පසුව කීර්ති ශ්රී මේඝ රජ වීමෙන් පසු රටේ තත්ත්වය නොසන්සුන් වූයේය එය සිය අභිමතාර්ථ මුදුන් පත් කර ගැනීමට සුදුසු වාතාවරණයක් බැව් ඔහුට තේරුම් ගියේය මේ නිසා රුහුණේ සිට සේනා පිරිවරාගෙන අනුරාධපුරයට පැමිණ අනුරාධපුරය අයත් කර ගත්තේය මෙයින් පැහැදිලි වන්නේ ඒ වන විට කීර්ති ශ්රී මේඝ රජු කෙරෙහි වැසියා බෙහෙවින් කලකිරී සිටි බවයි
ඔහු අනුරාධපුර රාජධානිය තතු කර ගන්නා විට වයස්ගතව සිටි බැව් සනාථ වේ ක්රි.ව.573 දී ඔහු සිහසුන හිමි කර ගත්තද වැඩි කාලයක් රජ පදවිය දැරීමට අවස්ථාවක් නොලැබුණි හොඳටම මහළු වියේ සිටි මේ රජු තුන් වසරකින් කළුරිය කළේය
No comments:
Post a Comment